Tiranë, 28 gusht, Zhurnal.mk – Kreu i Agjencisë së Mbikqyrjes Policore, Klevis Qose, priti dje në një takim Karma M. Smith, Këshilltaren e FBI-së për Çështjet e Krimit të Organizuar pranë SPAK, e cila ka marrë tashmë detyrën në Shqipëri.
Qose theksoi se në fokus të bisedës ishte vijimi i punës së nisur dhe koordinimi i hapave të ardhshëm, me synim forcimin e mëtejshëm të bashkëpunimit mes institucioneve tona.
“Shpreha gjithashtu vlerësimin dhe mirënjohjen time për Jamar Williams për punën dhe mbështetjen e tij të çmuar gjatë periudhës së bashkëpunimit me AMP-në”, nënvizoi Qose.
Në takim ishte i pranishëm edhe Richard Deasy, Atashe për Asistencën në Çështjet e Zbatimit të Ligjit pranë Ambasadës së Shteteve të Bashkuara të Amerikës në Tiranë.
Sipas Qosës, bashkëpunimi me partnerët amerikanë do të vijojë të jetë një element i rëndësishëm në forcimin e kapaciteteve dhe në përmbushjen me profesionalizëm të misionit të AMP-së.
