Vazhdon debati për Buxhetin e vitit 2027

Nga D V
A+ A-
Rivendos

Shkup, 19 nëntor, Zhurnal.mk – Komisioni për Financim dhe Buxhet sot duhet të vazhdojë debatin për Propozim-buxhetin e vitit 2027. Gjatë tri ditëve të kaluara, në seancë, shumica qeverisëse dhe opozita kanë shprehur qëndrime të kundërta për projeksionet e parapara të arkës shtetërore.

Për VMRO-DPMNE-në, Propozim-buxheti paraqet vazhdim të konsolidimit fiskal, ruajtje të stabilitetit të financave publike, krijim të kushteve për rritje ekonomike dhe realizim të investimeve zhvillimore. Për LSDM-në, ndërkaq, bëhet fjalë për një dokument pa vizion, i cili nuk ofron as llogaridhënie dhe as zhvillim.
Në Kuvend sot do të mbajnë seanca edhe Komisioni Ligjvënës-Juridik, si dhe Komisioni për Politikë Sociale, Demografi dhe Rini.
Para Komisionit Ligjvënës-Juridik janë disa propozim-ligje në lexim të dytë: për shfuqizimin e Ligjit për Koordinimin e Bashkësisë së Sigurisë dhe Inteligjencës në Republikën e Maqedonisë së Veriut, për ndryshimin dhe plotësimin e Ligjit për Fondin e Sigurimit të Depozitave, të Ligjit për Bujqësi dhe Zhvillim Rural, të Ligjit për Sigurimin e Detyrueshëm Pensional me Financim Kapital dhe të Ligjit për Familjen.
Komisioni për Politikë Sociale, Demografi dhe Rini do të shqyrtojë propozim-ligjet për ndryshimin dhe plotësimin e Ligjit për Sigurimin e Detyrueshëm Pensional me Financim Kapital, Ligjit për Sigurimin Vullnetar Pensional me Financim Kapital dhe Ligjit për Familjen, të gjitha në lexim të dytë.

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër