436
Shkup, 13 maj Zhurnal.mk – Zëvendëspresidenti i SHBA-së J.D. Vance ka deklaruar se po bëhet përparim në negociatat me Iranin për t’i dhënë fund armiqësive.
Kjo deklaratë e tij, vjen vetëm 24 orë pasi Presidenti Donald Trump e hodhi poshtë si “të papranueshëm” propozimin e fundit nga Teherani.
“Mendoj se po bëjmë përparim. Por pyetja themelore është: a po bëjmë përparim të mjaftueshëm në mënyrë që të mos e kalojmë vijën e kuqe që ka vendosur presidenti?” u tha Vance gazetarëve në Shtëpinë e Bardhë.
Ai theksoi se Presidenti Trump kërkon që të sigurohet që Irani të mos ketë kurrë një armë bërthamore.
