Zjarr në zonën e Jallisë në Nartë, era e fortë favorizon përhapjen e flakëve pranë banesave

Nartë, 22 shtator Zhurnal.mk – Një tjetër vatër zjarri është shfaqur në zonën e Jallisë së Nartës, pranë fushës së futbollit, në periferi të fshatit.

Siç raporton korrespondenti i Top Channel, Mikel Marsi, në vendngjarje kanë mbërritur zjarrfikësit e Vlorës, të cilët po punojnë për izolimin dhe shuarjen e flakëve. Zjarri po përhapet kryesisht në shkurret e zonës, ndërsa era e fortë favorizon përhapjen e tij.

Forcat zjarrfikëse po punojnë për të vënë situatën nën kontroll, pasi flakët mund të rrezikojnë edhe objektet dhe banesat që ndodhen në këtë zonë.