Shkup, 1 janar – Sot bëhen 14 vjet nga vdekja e presidentit të parë të Republikës së Maqedonisë të pavarur, Kiro Gligorov.
Delegacioni i Kuvendit në përbërjen e Emilia Angelova dhe Sllavjanka Petrovska, sot do të vendosë lule në vendpushimin e përhershëm të Gligorovit, në Varrezat e Qytetit Butel në Shkup.
Kiro Gligorov vdiq më 1 janar të vitit 2012 në Shkup në shtëpinë e tij në moshën 94 vjeçare.
Ai lindi më 3 maj të vitit 1917 në Shtip dhe luajti një rol aktiv në procesin e pavarësisë së vendit dhe njohjes ndërkombëtare të tij.
Në vitin 1991, ai udhëhoqi Maqedoninë, e cila fitoi pavarësinë në mënyrë paqësore nga ish Republika Socialiste Federative e Jugosllavisë, në të cilën Gligorov mbajti pozita të larta shtetërore.
Pas referendumit të mbajtur më 8 shtator të vitit 1991, në të cilin qytetarët u deklaruan në favor të një shteti të pavarur dhe sovran, Gligorov u zgjodh presidenti i parë i Republikës së Maqedonisë së pavarur dhe sovrane nga Kuvendi më 25 janar të vitit 1991.
Më 7 mars, ia besoi mandatin Nikolla Klusevit për të formuar qeverinë e parë.
Më 8 prill të vitit 1993, Gligorov foli për herë të parë në gjuhën maqedonase në foltoren e Kombeve të Bashkuara, kur Republika e Maqedonisë u bë anëtarja e 181-të e KB-së.
Ai është fitues i shumë çmimeve dhe mirënjohjeve vendase dhe ndërkombëtare.
