Irani duket se po përshpejton ndjeshëm programin e tij ushtarak, në një kohë kur tensionet në rajon mbeten të larta.
Sipas mediave shtetërore iraniane, komandanti i Forcës Hapësinore të Gardës Revolucionare, Majid Mousavi, deklaroi se vendi po rinovon dhe përmirëson arsenalin e tij me një ritëm më të shpejtë se para konfliktit me Shtetet e Bashkuara të Amerikës dhe Izraelin.
Deklarata u shoqërua me publikimin e një videoje propagandistike nga Garda Revolucionare Islamike, ku shfaqen pamje të një strukture të nëndheshme të raketave. Në video, Mousavi shihet duke inspektuar objektin, ndërsa në sfond shfaqen dronë, raketa dhe sisteme lëshimi.
🇮🇷🇺🇸 O Irã afirma estar se rearmando mais rápido do que os EUA conseguem.
General Mousavi: os estoques de mísseis e drones estão crescendo mais rapidamente do que antes da guerra.
O cessar-fogo deu ao Irã exatamente o que ele precisava: tempo para se rearmar. pic.twitter.com/OsQLhs00G0
— Vox Liberdade (@VoxLiberdade) April 19, 2026
Pamjet përfshijnë gjithashtu teste dhe lëshime raketash nga toka, duke synuar të demonstrojnë kapacitetet ushtarake të përditësuara të Iranit.
Ky zhvillim vjen në një moment delikat, kur përpjekjet diplomatike për uljen e tensioneve vijojnë paralelisht me sinjale të forta të forcimit ushtarak në terren.
Ekspertët vlerësojnë se publikimi i këtyre pamjeve synon të dërgojë një mesazh të qartë fuqie dhe gatishmërie, në një kohë kur balancat në rajon mbeten të brishta.
