Shkup, 3 maj, Zhurnal.mk – Lidhja Social Demokrate e Maqedonisë (LSDM) ka akuzuar institucionet shtetërore për zvarritje në procedurën për ekstradimin e ish-kryeministrit Nikolla Gruevski nga Hungaria.
Sipas LSDM-së, të gjitha dokumentet e nevojshme janë përgatitur dhe dorëzuar nga gjykata kompetente, por ato ende nuk janë dërguar në Hungari nga Ministria e Drejtësisë.
Partia pretendon se dokumentacioni ndodhet në Ministri dhe se ministri Igor Filkov nuk ka ndërmarrë veprimet e nevojshme për procedimin e tij.
“ Nuk ka asnjë arsye për pritje. Institucionet duhet të veprojnë menjëherë dhe të mundësojnë vazhdimin e procedurës për ekstradim”, thuhet në reagimin e LSDM-së.
Më tej, kjo parti ka akuzuar qeverinë e udhëhequr nga Hristijan Mickoski se, sipas tyre, me vetëdije ka mbrojtur Gruevskin dhe i ka dhënë hapësirë për t’u larguar drejt një vendi të tretë.
