Mickoski do të marrë pjesë në nënshkrimin e marrëveshjes për investimin e ri të “Kromberg & Schubert”

Shkup, 14 tetor, Zhurnal.mk – Kryeministri i Republikës së Maqedonisë së Veriut, Hristijan Mickoski, nesër (15 tetor 2026) do të marrë pjesë në nënshkrimin zyrtar të marrëveshjes për investimin e ri të kompanisë gjermane “Kromberg & Schubert”.

Ngjarja është caktuar të fillojë në orën 11:00 dhe do të mbahet në Sallën Solemne të Qeverisë së Republikës së Maqedonisë së Veriut.

Pas nënshkrimit të marrëveshjes, kryeministri Mickoski dhe përfaqësuesit e kompanisë “Kromberg & Schubert” do të mbajnë konferencë të përbashkët për shtyp në Qendrën e Medias të Qeverisë, ku do të bëhen publike detajet për investimin e ri.