328
Tetovë, 23 maj Zhurnal.mk – Kryetari i Komunës së Tetovës, Bilall Kasami, ka njoftuar se ka inspektuar nga afër punimet që po zhvillohen në Stadiumin e Qytetit në Tetovë.
Përmes një postimi, Kasami theksoi se po punohet për ndërtimin e një stadiumi modern, i cili do të jetë në përputhje me standardet e UEFA-s dhe që, sipas tij, do t’i japë Tetovës infrastrukturën sportive që meriton.
“Sot inspektova punimet në Stadiumin e Qytetit. Po punohet për një stadium modern, me standarde të UEFA-s, që do t’i japë Tetovës infrastrukturën sportive që meriton! Në krye të detyrës”, ka shkruar Kasami.
