746
Afati për të aplikuar për Çmimin Shtetëror “13 Nëntori” në Maqedoninë e Veriut zgjat deri më 10 shtator. Në këtë proces mund të marrin pjesë qytetarët e vendit, por edhe shtetas të vendeve të tjera.
Ky çmim shtetëror u jepet personave fizikë dhe juridikë për kontributin e tyre në shkencë, shëndetësi, kulturë, arsim, si dhe në fusha të tjera që janë në interes të qytetit të Shkupit, si brenda vendit ashtu edhe jashtë tij.
Nuk mund të aplikojnë ata që e kanë fituar këtë çmim gjatë dhjetë viteve të fundit. Fituesve të konkursit do t’u ndahen diploma dhe mjete financiare.
Dokumentacioni i nevojshëm për aplikim duhet të dorëzohet në objektin e qytetit të Shkupit.
