Prishtinë, 8 shtator Zhurnal.mk – Analisti politik Fidan Rama ka komentuar zhvillimet e fundit brenda Lidhjes Demokratike të Kosovës, duke thënë se problemi kryesor i kësaj partie, sipas tij, vjen nga brenda saj.
Rama ka kritikuar përçarjet e fundit, duke thënë se ato nuk i shërbejnë subjektit politik të themeluar nga Ibrahim Rugova, por grupeve të tjera që, sipas tij, kanë interes ta shohin LDK-në në këtë gjendje.
“Për mendimin tim, shkatërruesit më të mëdhenj të LDK-së janë brenda LDK-së. Ky është problemi. Nuk arrij ta kuptoj se si ka njerëz që kanë rrugëtuar me të që nga vdekja e Rugovës. Kjo çka po ndodh tash nuk i shërben këtij subjekti, por grupeve tjera që kanë interes ta ndërhyjnë dhe ta shohin në këtë gjendje”, tha Rama në Politiko.
