Dublin, 15 nëntor Zhurnal.mk – Në takimin e liberalëve evropianë në Dublin, të mbajtur në kuadër të samitit joformal të BE-së, nënkryetari i Federatës dhe Organizatës Botërore – Internacionales Liberale, Emil Kirjas, përcolli një mesazh të drejtpërdrejtë dhe kritik lidhur me rolin e Bashkimit Evropian në rendin bashkëkohor gjeopolitik.
Ai theksoi se koha e ndjekjes pa kushte të liderëve evropianë ka marrë fund dhe se qytetarët në rajon po e vërejnë gjithnjë e më shumë hipokrizinë dhe mungesën e rezultateve konkrete.
Sipas tij, edhe në Maqedoni tashmë nuk flitet vetëm për anëtarësim formal në BE, i cili për shumë qytetarë është bërë më pak tërheqës për shkak të bllokadave shumëvjeçare dhe premtimeve të parealizuara, por edhe për ndërtimin e një shteti sipas standardeve të vendeve si Beneluksi, Danimarka, Irlanda apo Estonia.
