Kërcënoi një qytetar përmes aplikacionit, kallëzohet penalisht zyrtari i MPB-së – kërkohet edhe suspendimi i tij

Nga Xh M
A+ A-
Rivendos

Kontrolli i Brendshëm në Ministrinë e Punëve të Brendshme ka ngritur kallëzim penal ndaj një të punësuari në Njësinë e Punëve të Brendshme në Kisella Vodë, i dyshuar për dërgimin e mesazheve kërcënuese ndaj një qytetari nga Shkupi.

Sipas MPB-së, bëhet fjalë për V.N., dokumentarist në sektorin për statistikë dhe dokumentim, i cili më 18 mars të këtij viti, përmes një aplikacioni mobil, kishte dërguar mesazhe me përmbajtje kërcënuese.

Motivi i dyshuar lidhet me një mosmarrëveshje të mëparshme me djalin e personit që kishte marrë mesazhet.

Rasti i është dorëzuar Prokurorisë Themelore Publike në Shkup për veprën penale “rrezikim i sigurisë”.

Përveç kallëzimit penal, Kontrolli i Brendshëm do të kërkojë edhe nisjen e procedurës disiplinore dhe suspendimin e të punësuarit deri në përfundimin e saj.

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër