447
Strugë, 17 maj Zhurnal.mk – Dega e Partia Demokratike Shqiptare në Strugë ka mbajtur Kuvendin Zgjedhor në kuadër të përgatitjeve për Kongresin IX të partisë. Në këtë takim u zgjodhën delegatët që do të përfaqësojnë degën në Kongres, ndërsa u miratua edhe propozim-lista për përbërjen e Kuvendit Qendror.
Të pranishmëve iu drejtua kryetari i Këshillit për Organizimin e Kongresit, Sali Ajdini, i cili foli për rëndësinë e organizimit dhe mobilizimit të strukturave partiake në prag të Kongresit IX. Ai theksoi nevojën për unitet dhe angazhim të anëtarësisë në proceset e ardhshme politike të partisë.
Kuvendi u zhvillua në atmosferë konstruktive dhe me pjesëmarrje aktive të anëtarëve dhe simpatizantëve të degës së Strugës.
