Shkup, 25 shtator, Zhurnal.mk – Konfirmojmë se përfaqësuesi i delegacionit të Maqedonisë së Veriut mori pjesë në fjalimin e Kryeministrit të Izraelit para Asamblesë së Përgjithshme të Kombeve të Bashkuara.
Kjo është përgjigjja e dhënë për “Lokalno” nga Ministria e Punëve të Jashtme të Maqedonisë së Veriut, megjithëse një numër mediash botërore raportuan se një numër i madh vendesh, përfshirë përfaqësues nga vendi ynë, lanë sallën kur Benjamin Netanyahu mbajti fjalim.
Dhjetëra përfaqësues nga e gjithë bota dolën nga fjalimi i Netanyahut në OKB të enjten, më 24 shtator, në shenjë proteste kundër udhëheqësit izraelit.
Delegacione nga vende si Turqia, Tunizia, Arabia Saudite, Katari, Senegali, Pakistani, Sudani, Irani dhe Indonezia ishin midis atyre që dolën kur Netanyahu filloi të fliste. Vende të tjera, përfshirë Spanjën, Afrikën e Jugut, Kuvajtin, Marokun, Nigerinë dhe Brazilin, nuk morën pjesë në seancë, sipas raportimeve. Megjithatë, Maqedonia dhe Serbia ishin midis vendeve që qëndruan për të dëgjuar kryeministrin izraelit.
Qëndrimi i delegacionit i RMV-së në sallë nuk ishte i papritur dhe në këtë mënyrë, marrëdhëniet gjithnjë e më të ngushta midis Maqedonisë dhe Izraelit u konfirmuan edhe një herë.
