Shkup, 19 gusht, Zhurnal.mk – Një përleshje fizike mes dy grupeve ka ndodhur të martën në lagjen Hasan Beg të Shkupit, ku gjatë incidentit janë përdorur edhe kondaku i një pistolete dhe një send metalik.
Sipas njoftimit të policisë, më 18 gusht 2026, në orën 19:20, në SPB Shkup është raportuar se rreth orës 18:45, në një parcelë në Hasan Beg, pas një mosmarrëveshjeje të mëparshme, është prishur rendi dhe qetësia publike.
Në përleshje janë përfshirë S.I. (28) dhe djali i tij i mitur, nga njëra anë, si dhe F.S. (28) dhe B.S. (66), nga ana tjetër. Të gjithë personat e përfshirë janë nga Hasan Begu, në rrethinën e Shkupit.
Gjatë përleshjes fizike është përdorur kondaku i një pistolete, si dhe një send metalik.
Nga Ministria e Punëve të Brendshme njoftojnë se pas dokumentimit të plotë të rastit do të vijojnë parashtresat përkatëse.
