Shkup, 1 prill Zhurnal.mk – Dje, më 18 prill, në Shtëpinë e Kulturës “Biljana Beliçanec” – Kisella Vodë, Partia e Vllehëve të Maqedonisë mbajti Kongresin e saj të VI-të, në të cilin u morën vendime kyçe për veprimin e ardhshëm politik dhe forcimin organizativ të partisë.
Në Kongres u zhvillua votimi për zgjedhjen e kryetarit të ri të partisë. Delegatët, në përputhje me procedurat statutare, i besuan funksionin drejtues kryetarit të sapozgjedhur, Sterjo Papuli, i cili menjëherë pas zgjedhjes prezantoi programin e tij të punës, thuhet në njoftimin e Partisë së Vllehëve të Maqedonisë, të transmetuar nga MIA.
Programi është i orientuar drejt forcimit institucional të partisë, avancimit të të drejtave të vllehëve në Maqedoni, si dhe pjesëmarrjes më aktive në proceset politike në nivel shtetëror.
“Si kryetar i Partisë së Vllehëve të Maqedonisë, theksoj se politika jonë bazohet në tre shtylla: ruajtja e identitetit, gjuhës dhe kulturës vllahe, ndërtimi i institucioneve të forta kulturore dhe arsimore, si dhe pjesëmarrja aktive në jetën publike dhe shoqërore. Besojmë se pikërisht përmes këtyre tre shtyllave komuniteti vllah ndërton me siguri të ardhmen e tij dhe kontribuon në përparimin e një Maqedonie bashkëkohore dhe evropiane”, deklaroi kryetari i sapozgjedhur, Sterjo Papuli.
