Shkup, 23 qershor, Zhurnal.mk – U bë një kohë e gjatë që themeluesi i Agjencisë Zhurnal, Bexhet Musliu, ka ngritur shqetësimin dhe alarmin se diçka nuk po funksionin me shëndetësinë. Disa mund t’i kenë interpretuar si akuza personale por dita ditës po vërtetohen dhe konfirmohen të njëjtat. Shëndetësia nuk bën pasi personi që udhëheq me shëndetësinë nuk “e ka haberin” e kësaj fushe e thotë Taravari. Pastaj, sa i përket digjitalizimit nuk shihet asgjë konkrete në praktikë, shkruan Zhurnal.
Çfarë tha Taravari për Azir Aliun?
Kryetari i Aleancës për Shqiptarët, Arben Taravari, duke qenë se dy herë ka ushtruar detyrën e ministrit të Shëndetësisë dhe me profesion është mjek, lëshoi një varg kritikash për punën e ministrit aktual të Shëndetësisë, Azir Aliun.
“Hera e parë ndodhë në këto 35 vite shtet që drejtori i Fondit Shëndetësor të jetë udhëheqës i politikave të shëndetësisë. Unë e kuptoj ai ka me hy me një fushë që shumë pak e njeh, realizimet janë zero. Ku është parkingu? Lista pozitive askund nuk është. Punësimet në Tetovë askund nuk janë, në plot spitale ka deficit. Punës së Azir Aliut në Gostivar i thonë “laj groshë pa ujë”, ka deklaruar Taravari në Debat në Shenja.
Ai tutje thotë që po e dëgjuat me vëmendje çfarë flet Azir Aliu, përmend dhe rrotullon vetëm dy terme digjitalizim dhe ekosistem.
“Azir Aliu përmend vetëm digjitalizimin dhe ekosistemin. Por kur ta pyesni çfarë ka bërë për digjitalizimin, hiç asgjë nuk ka bë, zero. Ai ka paralajmëruar shumë gjëra por në fund të një vjeçarit duhet të thotë çfarë ka bërë jo çfarë mendon të bëj”, thotë mes tjerash Taravari.
Çfarë po thotë Bexhet Musliu me ditë të tëra?
Themeluesi i Agjencisë së Lajmeve Zhurnal, Bexhet Muslija, me javë të tëra po merret ekskluzivisht me shëndetësinë si një nga resorët më të rëndësishëm për jetën dhe shëndetin e qytetarëve, që aktualisht është në duar të pasigurta dhe sipas Muslijes, Azir Aliu ka shkaktu vetëm kaos nuk ka zgjidhur asgjë konkrete.
“Shëndetësia nuk matet me numrin e aplikacioneve apo platformave elektronike. Ajo matet me mënyrën se si trajtohet pacienti. Matet me faktin nëse ai merr terapinë në kohë, nëse gjen kushte dinjitoze gjatë hospitalizimit dhe nëse sistemi funksionon kur ai ka më së shumti nevojë”, ka shkruar mes tjerash Bexhet Musliu.
E kjo gjë realisht nuk po ndodhë në vendin tonë, edhe pse Azir Aliu flet gjatë gjithë kohës për digjitalizim edhe në këtë fushë mungojnë rezultatet. Pra, e thotë troç Taravari, Bexhet Musliu, e mund ta shohin e përjetojnë të gjithë qytetarët që në shëndetësi nuk ka as rend e as funksiononim normal. E më keq se kaq nuk ka as digjitalizim.
Pra, kudo që shkon Azir Aliu vetëm për rezultate nuk flet sepse i mungojnë. E kushdo që flet për të njëjtin e akuzon për të njëjtën gjë, që nuk është duke dëshmuar punë, mungojnë rezultatet dhe kaosi në shëndetësi vazhdon.
Kujtojmë që, me një vëzhgim të lehtë e të thjeshtë në faqen zyrtare të VLEN-it nuk keni asnjë publikim që lidhet me punën e Azir Aliut, jo se nuk duan të promovojnë punë të mira por është çështja ku mund t’i gjejnë të njëjtat. Prandaj, qytetarët, pacientët, bashkëpunëtorët e tij ndaj po të njëjtën bindje për Azir Aliun sikurse Bexhet Muslija. Fjalë shumë e punë e aspak, një ministër i tillë është i dëmshëm për shëndetësinë dhe i padobishëm për shoqërinë. /Zhurnal.mk
