Zhurnal mëson / Arben Taravari ministër i Shëndetësisë

Shkup, 27 maj – Ish-kandidati për kryetar shteti në RMV-të, njëkohësisht kryetar i komunës së Gostivarit, Arben Taravari, partner i koalicionit VLEN do të jetë ministër i Shëndetësisë, mëson jozyrtarisht Zhurnal.mk

Tani më edhe zyrtarisht pjesë e marrëveshjes është edhe pozita e kryetarit të Kuvendit, pozitë që do t’i takojë Afrim Gashit.

“VLEN” do të ketë edhe pesë zëvendësministra, në Ministrinë e Bujqësisë, Kulturës, Arsimit, Mbrojtjes, Transportit dhe Lidhjeve, si dhe në Ministrinë e Punëve të Brendshme. Koalicioni do të propozojë gjithashtu pesë sekretarë shtetëror.