Shkup, 25 qershor Zhurnal.mk – Qytetarët që, pas Deklaratës Vjetore Tatimore për vitin 2025, rezultojnë me një shumë të caktuar për pagesë shtesë kanë ende pak kohë për ta kryer detyrimin. Drejtoria e të Ardhurave Publike njofton se afati i fundit për pagesën e taksës është 30 qershori 2026.
Sipas DAP-it, të gjithë tatimpaguesit që në deklaratën e tyre kanë të evidentuar një shumë për pagesë shtesë duhet ta shlyejnë atë brenda afatit, në mënyrë që të shmangen shpenzimet e tjera dhe llogaritja e interesit.
Për qytetarët që kanë marrë ose do të marrin një vendim me shumën e korrigjuar tatimore, pagesa duhet të kryhet brenda 15 ditëve nga dita e pranimit të vendimit.
Pagesa mund të realizohet përmes shërbimeve elektronike tatimore. Qytetarët duhet të hyjnë në profilin e tyre, të zgjedhin Deklaratën Vjetore Tatimore për vitin 2025, ta hapin përmes opsionit “Pregled/Shiko” dhe më pas të shkarkojnë urdhrin e pagesës nga “Peçati/Printo”.
DAP u kërkon qytetarëve që gjatë kryerjes së pagesës të plotësojnë me kujdes të dhënat e tyre, veçanërisht numrin e identifikimit tatimor, numrin e fletës së pagesës dhe të gjitha elementët e tjerë të detyrueshëm të urdhrit.
