Në Përrenjas nuk ka pediatër/ Prej pesë vitesh mungon mjeku i specializuar për fëmijët

Prej 5 vitesh në spitalin e Prrenjasit mungon mjeku pediatër.

Për të marrë shërbim të specializuar prindërit me fëmijë duhet të udhëtojnë në drejtim të Librazhdit apo të Pogradecit.

Edhe pse kërkohet shërbim i specializuar, pediatrik, gjithsesi në raste të domosdoshme spitali i Përrenjasit e ka ofruar shërbimin shëndetësor për fëmijët duke trajtuar gjatë vitit 2025, 2463 fëmijë 0-14 vjec.

Ndërkohë drejtoria e Shërbimit Spitalor Librazhd ka kërkuar nga Ministria e shëndetësisë plotësimin e vakancave në mjekë, mes tyre edhe pediatrin për Spitalin Përrenjas.