Shkup, 24 korrik, Zhurnal.mk – Komuna e Gjorçe Petrovit edhe këtë vit vazhdon me masat për mbështetjen e familjeve dhe investimin në arsim, duke siguruar një paketë të plotë për çdo nxënës të klasës së parë që do të nisë vitin e ri shkollor.
Çdo nxënës i klasës së parë do të marrë çantë shkollore falas me mjete shkollore, mbështetje financiare në vlerë prej 3.000 denarësh, si dhe ushqim shkollor falas, me qëllim që fëmijët të kenë një fillim të barabartë dhe dinjitoz në arsimimin e tyre.
“Dita e parë e shkollës është një nga momentet më të rëndësishme në jetën e çdo fëmije. Detyrë e jona është të krijojmë kushte që çdo nxënës i klasës së parë të hyjë pa brenga dhe me buzëqeshje në bankat shkollore. Prandaj investojmë vazhdimisht në arsim dhe në masa që i ndihmojnë fëmijët dhe familjet e tyre”, theksoi kryetari i Komunës së Gjorçe Petrovit, Aleksandar Stojkoski.
Me këtë masë, komuna edhe një herë e konfirmon përkushtimin e saj për krijimin e mundësive të barabarta për të gjithë nxënësit dhe sigurimin e kushteve cilësore për zhvillimin e tyre arsimor.
