Shkup, 15 shtator, Zhurnal.mk – Kryetari i Komunës së Gazi Babës, Boban Stefkovski, mori pjesë në tryezën e rrumbullakët të organizuar nga UNDP Maqedonia me rastin e 15 shtatorit – Ditës së Demokracisë, kushtuar transparencës, llogaridhënies dhe pjesëmarrjes së qytetarëve në proceset demokratike.
Siç theksoi ai, është nder i veçantë që Komuna e Gazi Babës ka qenë e ftuar si një nga komunat më transparente në Shkup, gjë që përfaqëson konfirmim për punën e deritanishme.
„Komuna nuk është ndërtesë, administratë apo funksion – komuna janë qytetarët. Prandaj i kthyem në funksion bashkësitë lokale dhe urbane, si mekanizëm i vërtetë përmes të cilit i dëgjojmë nevojat e qytetarëve nga çdo lagje dhe vendbanim“, porositi Stefkovski.
Ai kujtoi se në Komunë janë futur financat e hapura, buxheti qytetar, raporti vjetor para qytetarëve dhe transmetimet direkte nga seancat e Këshillit, me qëllim hapje të plotë ndaj publikut. Sipas tij, transparenca fillon me vullnet politik, ndërsa qytetarët janë partneri më i rëndësishëm në menaxhim.
