Dokumentet në telefon: Në tetor vjen revolucioni digjital në RMV

Shkup, 22 shtator, Zhurnal.mk – Në fund të tetorit pritet të prezantohet aplikacioni shtetëror „m.Uslugi“, përmes të cilit qytetarët do të mund të kenë letërnjoftimin dhe patentën e shoferit në telefon.

Dokumentet fizike do të vazhdojnë të vlejnë, ndërsa pranimi i versioneve digjitale nga institucionet do të bëhet gradualisht, pasi ato duhet të përshtaten teknikisht.

Aplikacioni nuk do të jetë i detyrueshëm. Në të ardhmen pritet të përfshihen edhe diplomat, dëftesa, certifikata dhe dokumente të tjera.

Ministri i Transformimit Digjital, Stefan Andonovski, tha se aplikacioni tashmë është testuar nga disa mijëra qytetarë, ndërsa janë marrë rreth 200 sugjerime për përmirësime.