Shkup, 30 shtator, Zhurnal.mk – Prilepi që nga orët e hershme të mëngjesit është nën prani të shtuar policore, ndërsa në disa lokacione janë vendosur njësi speciale dhe zyrtarë policorë të uniformuar.
Sipas informacioneve fillestare, Ministria e Punëve të Brendshme, përmes Byrosë për Siguri Publike, po zhvillon kontrolle dhe bastisje në rreth 30 lokacione në qytet dhe rrethinë.Aksioni është i koordinuar dhe, sipas informacioneve jozyrtare, është pjesë e një hetimi më të gjerë ndaj një strukture të dyshuar kriminale të organizuar. Hetimi dyshohet se lidhet me aktivitete të përfshira në trafikimin e lëndëve narkotike.
Jozyrtarisht, në mesin e personave që janë përfshirë në kontrolle ndodhen edhe pjesëtarë të strukturave policore, për të cilët po hetohen lidhje të mundshme me persona ose aktivitete që janë objekt i hetimit.Në terren ndodhet një numër i madh i zyrtarëve policorë, ndërsa kontrolle dhe bastisje po kryhen në disa lokacione në Prilep dhe në zonën përreth.Deri tani, MPB-ja nuk ka dhënë detaje zyrtare lidhur me aksionin.
