Bllokohet tërësisht një kryqëzim në Shkup, trafiku devijohet

Shkup, 15 nëntor ZHurnal.mk – Kryqëzimi mes rrugëve „Skupi“ dhe „Ljubljanska“ në Shkup është mbyllur plotësisht për qarkullimin e automjeteve për shkak të punimeve për vendosjen e semaforëve të rinj.

Ekipet e Ndërmarrjes Publike „Rrugët dhe Rrugicat“ kanë nisur punimet në orën 08:00, duke çmontuar shtyllat dhe pajisjet ekzistuese të semaforëve.

Gjatë punimeve, automjetet do të devijohen nëpër rrugët përreth. Ky regjim i përkohshëm do të mbetet në fuqi deri në përfundimin e punimeve.

Drejtuesve të automjeteve u bëhet thirrje të respektojnë sinjalizimin dhe udhëzimet e personave zyrtarë.