Shkup, 15 nëntor Zhurnal.mk – Mosfunksionimi i semaforëve në këtë udhëkryq është kthyer në shqetësim për qytetarët. Ata thonë se kalimi në këtë pjesë të rrugës është më i vështirë, pasi mungon sinjalizimi që rregullon përparësinë e lëvizjes. Sipas tyre, problemi prek të gjithë pjesëmarrësit në komunikacion, por veçanërisht këmbësorët, të cilët duhet të presin momentin e duhur për të kaluar rrugën.
“Jeta është gjithmonë e rrezikuar, si me semaforë ashtu edhe pa ta, por është më mirë kur semaforët punojnë. Kur nuk funksionojnë, duhet t’i hapësh sytë më shumë.Më e vështirë është për veturat sesa për këmbësorët, sepse këmbësori mund të kalojë në një mënyrë apo tjetër”/ tha një Qytetar.
“Po, është problem. Si me biçikletë, si në këmbë, si me veturë, e kemi parë vështirësinë.Më shumë problem është për këmbësorët, sepse duhet t’i hapësh sytë vazhdimisht. Gjatë gjithë verës këta semaforë nuk kanë funksionuar”/ deklaroi një Qytetar.
“Nuk e di kur është drita e gjelbër e kur e kuqe.Të dyja janë problem, por me veturë është edhe më vështirë”/ u shpreh një Qytetar
Qytetarët presin që problemi të zgjidhet, në mënyrë që qarkullimi të jetë më i sigurt dhe të shmangen aksidentet e mundshme. Autoritetet komunale, pa përgjigje nëse do të marrin masa.
