23
Shkup, 19 nëntor, Zhurnal.mk – Shefi i Shtabit të Përgjithshëm të Armatës, gjeneralmajor Sashko Lafçiski, nesër, më 20 nëntor, në Tiranë, Republika e Shqipërisë, do të marrë pjesë në takimin e rregullt vjetor të shefave të shtabeve të përgjithshme të vendeve anëtare të Iniciativës për Bashkëpunim në Mbrojtje – DECI (Defence Cooperation Initiative).
Në takim do të marrin pjesë edhe përfaqësues të lartë ushtarakë të NATO-s dhe BE-së, ndër të cilët zëvendëskomandanti i Komandës së Përbashkët të NATO-s në Napoli, komandanti i forcave tokësore shumëkombëshe, komandanti i KFOR-it dhe komandanti i EUFOR-it.
Në fokus të diskutimeve do të jenë sfidat aktuale të sigurisë në rajon, bashkëpunimi ushtarak në kuadër të DECI-t dhe NATO-s, si dhe mundësitë për thellimin e bashkëpunimit në fushën e mbrojtjes dhe stërvitjeve të përbashkëta.
Gjatë sesioneve të punës, gjenerali Lafçiski do të mbajë fjalime, në të cilat do të konfirmojë përkushtimin e vendit tonë ndaj sigurisë kolektive dhe rolin e Armatës në kuadër të kësaj iniciative, si një partner i besueshëm në ruajtjen e paqes dhe stabilitetit në Ballkan.
Në fund të konferencës do të përcaktohet dinamika e projekteve të ardhshme të përbashkëta, ndërsa shefat e shtabeve të përgjithshme do të nënshkruajnë një deklaratë të përbashkët për bashkëpunim.

