Shkup, 23 qershor, Zhurnal.mk – Aleanca për Shqiptarët ka vazhduar procesin e konsolidimit të strukturave partiake, duke mbajtur Kuvendin e degës në Komunën e Çairit, ku Daim Luçi është zgjedhur kryetar i degës, transmeton Zhurnal.mk.
Në kuvend mori pjesë edhe kryetari i Aleancës për Shqiptarët, Arben Taravari, së bashku me deputetë, kryetarë komunash dhe funksionarë të lartë të partisë.
Përveç zgjedhjes së kryetarit të degës, delegatët zgjodhën edhe nënkryetarët, sekretarin, organet e tjera drejtuese të degës, si dhe delegatët që do ta përfaqësojnë degën në Kongresin e ardhshëm të partisë.
Nga Aleanca për Shqiptarët theksojnë se procesi i riorganizimit synon ndërtimin e strukturave të forta, funksionale dhe të qëndrueshme në të gjitha degët e partisë.
Sipas partisë, ristrukturimi i degës në Çair nuk ka për qëllim vetëm plotësimin e strukturave organizative, por edhe fuqizimin e përfaqësimit politik në këtë komunë, duke e shndërruar atë në një adresë të besueshme për qytetarët që kërkojnë dinjitet, drejtësi dhe përfaqësim.
