Shkup, 1 mars – Ministri i Punëve të Jashtme dhe Tregtisë së Jashtme, Timço Muçunski, zhvilloi një bisedë telefonike me Zëvendëskryeministrin dhe Ministrin e Punëve të Jashtme të Emiratet e Bashkuara Arabe, Sheikun Abdullah bin Zayed Al Nahyan.
Gjatë bisedës, Muçunski shprehu solidaritet të fortë dhe mbështetje të plotë për Emiratet, duke u përcjellë ngushëllime të sinqerta familjeve të viktimave nga sulmet e fundit.
Ai i dënoi ashpër sulmet e kryera nga Irani, duke vlerësuar se ato përbëjnë shkelje serioze të parimeve të së drejtës ndërkombëtare, veçanërisht sa i përket respektimit të sovranitetit dhe integritetit territorial të shteteve.
Muçunski theksoi se në kushte të tensioneve të shtuara në rajon, janë të domosdoshme përmbajtja, përgjegjësia dhe angazhimi i shtuar diplomatik, me qëllim parandalimin e përshkallëzimit të mëtejmë dhe ruajtjen e paqes dhe stabilitetit.
Ai nënvizoi se Republika e Maqedonisë së Veriut mbetet e përkushtuar në mbështetjen e përpjekjeve ndërkombëtare për zgjidhje paqësore të konflikteve dhe respektimin e rendit ndërkombëtar.
