62
Shkup, 17 prill Zhurnal.mk – Vazhdoi gjyqi ndaj ish-kryetares së Antikorrupsionit, Tatjana Dimitrovska, e cila akuzohet për zbulim të sekretit zyrtar dhe falsifikim kompjuterik. Në këtë rast, përveç saj, të akuzuar janë edhe revizori Mile Stolevski, si dhe Biljana Petrovska-Manteva.
Edhe pse mbrojtja e të akuzuarve kërkoi nga gjykata që ta përjashtojë publikun nga seanca, për shkak të prezantimit të mesazheve nga komunikimi, gjykata refuzoi. Nga Prokuroria u theksua se mesazhet që do të prezantohen kanë të bëjnë vetëm me këtë procedurë dhe nuk lidhen me jetën personale të akuzuarve. Në seancë u prezantuan provat e Prokurorisë, ndërsa seanca e radhës është caktuar për javën e ardhshme.
