Shkup, 23 shtator, Zhurnal.mk – Kryetari i Komunës së Karposhit, Sotir Lukrovski, realizoi takim me kryetarin e Shoqatës “RAST”, Aleksandar Petrovski, dhe kryetaren e Shoqatës “Jepni na krahë”, Rebeka Jankovska‑Risteski, në të cilin u diskutua për nevojat e përditshme të personave me aftësi të kufizuara dhe familjeve të tyre.
“Ndër iniciativat konkrete ishin mundësia për sigurimin e një hapësire të përbashkët pune për tre shoqata, një automjet për transportin e fëmijëve nga qendra ditore deri në shkollë, shtëpi ose pikë të caktuar, si dhe përgatitja e një strategjie dhe plani për mbështetje të vazhdueshme në kuadër të mundësive dhe kompetencave të Komunës.
Në takim u theksua edhe nevoja për hapjen e një qendre ditore shtesë, si dhe për krijimin e kushteve për jetesë të pavarur të personave me aftësi të kufizuara. Bisedime të tilla janë të rëndësishme sepse pas çdo iniciative qëndron një nevojë konkrete, një familje dhe një sfidë e përditshme.
Qëllimi është që mbështetja të mos jetë e herëpashershme, por e vazhdueshme, e organizuar dhe e orientuar drejt zgjidhjeve që realisht mund ta lehtësojnë jetën e personave me aftësi të kufizuara dhe familjeve të tyre!”, thonë nga Komuna e Karposhit.
