Shkup, 29 janar – Qeveria është e vendosur që projektin “Qyteti i sigurt” ta vendosë në funksion, ndërsa pas implementimit të tij tashmë nuk do të ketë numër aq të madh të viktimave nga fatkeqësitë në komunikacion, tha sot kryeminsitri Hristian Mickoski, duke iu përgjigjur pyetjeve të deputetëve.
Qëllimi është, theksoi, të shpëtohen sa më shumë jetë njerëzish, pa u mbajtur llogari me kush i clës përkatësi etnike është.
“Në vitin 2025 në Shkup ka pasur 28 fatkeqësi rrugore në të cilat pësuan 32 persona. Prej tyre 17 ishin maqedonas, ndërsa 12 shqiptarë dhe pjesëtarë të tjerë të bashkësive të tjera etnike. Në dhjetor të vitit në Shkup ka pasur zero viktima, ndërsa në dhjetor të vitit 2024 ka pasur pesë, pesë përkundër zero. Para disa ditësh në intervistë tek një medium shqiptar thashë se nëse ai është çmimi që duhet ta paguajmë si Qeveri dhe të vini ju të cilët do ta hiqni këtë projekt he sërish do t’i ktheni viktimat si rezultat i fatkeqësive të komunikacionit në rrugë dhe në kryeqytet, korridore dhe qytete të tjera, në rregull, jam i gatshëm ta pranoj atë. Por, derisa unë të jem kryeministër, do të luftoj të shpëtoj së paku edhe një jetë njerëzore, pa mbajtur llogari me atë rast se cilëspërkatësi etnike i takon. Do të jem i lumtur, do të flej i qetë sepse kam shpëtuar një jetë njerëzore pa dallim të përkatësisë së tij etnike”, e porositi Mickoski deputetin Skender Rexhepi i cili e parashtroi pyetjen.
