Shkup, 13 janar – Komisioni i Kuvendit për Sistem politik dhe Marrëdhënie Ndërmjet Bashkësive sot në kuadër të seancës së 29-të do ta shqyrtojë Raportin vjetor për punën e Agjencisë për Mbrojtjen e të Dhënave Personale për vitin 2024.
Siç theksohet në Raport, sfidë e Agjencisë edhe më tutje mbetet mungesa e kuadrit profesional me fokus trë veçantë të ekspertëve nga fusha e mbrojtjes së të dhënave personale dhe shkencave të informatikës, të cilët janë të rëndësishëm për zbatimin efektiv të ligjvënies pët mbrojtjen e të dhënave personale.
Agjencia do të vazhdojë të punojë në përforcimin e statusit të saj të pavarur, veçanërisht në pjesën e menaxhimit me resurset njerëzore dhe sigurimin e mjeteve të pavarura buxhetore, përmes krijimit të kornizës adekuate rregullatore. Në këtë drejtim, vazhdon procesi i miratimit të Propozim-ligjit për ndryshime dhe plotësime të Ligjit për mbrojtjen e të dhënave personale, me të cilën do të sigurohen resurset e nevojshme për kryerje efektive të funksioneve dhe autorizimeve të Agjencisë.
Me qëllim të avancimit plotësues të mbrojtjes së të dhënave personale në vitin 2024 u miratua edhe Strategjia për zbatimin e të drejtës për mbrojtjen e të dhënave personale për periudhën 2025-2030, e cila do të fillojë të zbatohet në periudhën në vijim. Kjo strategji paraqet një dokument kyç për zhvillim afatgjatë dhe avancim të mekanizmave për mbrojtjen e të dhënave personave në vend, duke siguruar vazhdimësi dhe harmonizim me standardet evropiane.
Në këtë mënyrë, Agjencia do të vazhdojë të punojë në sigurimin e funksionimit të pavarur dhe të paanshëm, sipas parimeve të Rregullores së përgjithshme për mbrojtjen e të dhënave.
