Bllacë, 5 qershor Zhurnal.mk – Qendra Kombëtare për Menaxhimin Kufitar ka njoftuar se është kthyer sistemi i kontrollit të përbashkët kufitar ndërmjet Maqedonisë së Veriut dhe Kosovës.
“Ju njoftojmë se pas problemeve që kishin autoritetet kufitare të RMV, me sistemin e regjistrimit të hyrje-daljeve, tani më sistemi është rregulluar dhe qarkullimi vazhdon normalisht”, raportoi Qendra.
Ndryshe, kalimi kufitar ndërmjet Maqedonisë së Veriut dhe Kosovës në pikën kufitare Bllacë – Hani i Elezit sot në mesditë kishte rënë, ashtu që duhej zbatimi i kontrollit të dyfishtë.
Bie sistemi në vendkalimin Bllacë – Hani i Elezit, rekomandohen pikat tjera kufitare
Kalimi kufitar ndërmjet Maqedonisë së Veriut dhe Kosovës në pikën kufitare Bllacë – Hani i Elezit ka rënë, ashtu që do të ketë kontrolle të dyfishta nga autoritetet policore në të dy vendet.
“Në PPKK Hani i Elezit-Bllacë, sipas njoftimit nga zyrtarët e Policisë së RMV, sistemi i regjistrimit të hyrje/daljeve në RMV ka rënë dhe me këtë rast ka filluar kontrollimi i dyfishtë. Për momentin janë duke u krijuar kolona të gjata për shkak të kësaj situate”, raportoi Policia, duke paralajmëruar se për çdo ndryshim do të njoftohen qytetarët.
Policia e Kosovës rekomandoi që të shfrytëzohen pikat kufitare në Stançiq – Bellanoc dhe Glloboqicë – Jazhincë.
