Stuhi e fuqishme në juglindje të vendit, breshër në fushën e Maliqit

Maliq, 23 gusht Zhurnal.mk – Një stuhi e fuqishme ka përfshirë mbrëmjen e sotme juglindjen e vendit, me reshje të dendura shiu të shoqëruara me breshër, kryesisht në fshatrat e fushës së Maliqit.

Stuhia ka zgjatur për rreth një orë, ndërsa reshjet e breshërit kanë vazhduar për disa minuta me intensitet të lartë, të shoqëruara edhe me erë të fortë.

Për momentin nuk ka të dhëna për dëme të shkaktuara nga stuhia.

Mbetet për t’u parë nëse reshjet e breshërit do të kenë shkaktuar dëme në bujqësi, veçanërisht në kulturat prashitëse dhe në drufrutorë, të cilat në këtë periudhë janë në faza të rëndësishme të prodhimit.

Deri tani nuk raportohen probleme me energjinë elektrike në zonat e prekura nga stuhia.