Ohër, 7 mars – Këto ditë tym i dendur po përhapet nga deponia Bukovo, ku Ohri dërgon mbeturinat e veta. Era e rëndë që del nga kjo deponi ndihen edhe deri në qytet. Aktivistët qytetarë alarmojnë se deponia Bukovo është e vjetër më shumë se 5 dekada dhe se aty grumbullohen mbeturina në mënyrë të pakontrolluar dhe pa asnjë kufizim.
“Është deponi e mbushur dhe me rrezik të lartë, dhe prej vitesh bëhen thirrje që të mbyllet. Kur them e mbushur, do të thotë se nuk ka më hapësirë ku të hidhen mbeturinat, ndërsa duhet të përdoret edhe për dy-tre vitet e ardhshme, deri në rastin më të mirë, kur deponia rajonale të ndërtohet brenda dy-tre vitesh”, deklaroi DragaNa Karashova – aktiviste qytetare.
Por projekti për ndërtimin e një deponie rajonale pranë Novacit në Manastir po zvarritet prej vitesh. Ministri i Mjedisit, Muhamed Hoxha, thotë se është në zhvillim faza e parë e realizimit të projektit, i cili parashikon shpërndarjen e pajisjeve teknike dhe makinerive për komunat e Rajonit Jugperëndimor dhe të Pelagonisë.
Pos Bukovës, një deponi e madhe e egër, me përmasa sa tre fusha futbolli, ekziston edhe në hyrje të Strugës.
