Shkup, 5 janar – Kryetari i Qeverisë së Republikës së Maqedonisë së Veriut, Hristijan Mickoski sot në Manastir, në parkingun e sallës sportive Boro Çurlevskdo të marrë pjesë në promovimin e një pjese të pajisjeve të planifikuara për menaxhimin e mbeturinave (automjete dhe kontejnerë) për komunat e Rajonit të Pelagonisë dhe Rajonit Jugperëndimor.
Siç kumtojnë nga shërbimi për shtyp i qeverisë, këto pajisje janë një segment i kontributit të Qeverisë, Ministrisë së Mjedisit Jetësor dhe Planifikimit Hapësinor dhe partnerëve ndërkombëtarë në përmirësimin e sistemit për menaxhimin e mbeturinave.
Me automjetet, kontejnerët dhe koshat e mbeturinave që Qeveria, përmes Ministrisë së Mjedisit Jetësor dhe Planifikimit Hapësinor, ua ndan ndërmarrjeve publike komunale në këto komuna, do të lehtësohet dhe përmirësohet puna e ndërmarrjeve komunale publike. Njëherit,
– Qeveria, në bashkëpunim me vetëqeverisjet lokale, në periudhën në vijim do të kontribuojë në përmirësimin e higjienës dhe në ruajtjen e mjedisit jetësor.
“Mundësohet gjithashtu rritje e konsiderueshme e mbulueshmërisë me shërbimin për grumbullim të mbeturinave në mjediset urbane dhe rurale, reduktim i deponive ilegale dhe hedhjes joformale të mbeturinave, kushte më të mira për seleksionim dhe përgatitje për riciklim (dy ngjyra të enëve për grumbullimin e mbeturinave, përkatësisht ngjyra e verdhë për fraksionin e thatë dhe ngjyra e gjelbër për fraksionin e lagësht organik), përgatitje e sistemit për funksionimin e plotë të deponisë së ardhshme rajonale në Novaci, përkatësisht qendrës për menaxhimin e mbeturinave, si dhe stacioneve të ngarkim-shkarkimit në Kërçovë, Ohër, Prilep dhe Dibër”, qëndron në kumtesën.
