Shkup, 21 tetor, Zhurnal.mk – Kryetari i Qeverisë, Hristijan Mickoski, nesër, më 22 tetor, do të marrë pjesë në Samitin e Procesit të Berlinit, i cili do të mbahet në Sveti Stefan, Mali i Zi, ku do të diskutohet për lidhjen ekonomike të rajonit, sigurinë dhe përshpejtimin e integrimit në Bashkimin Evropian.
Para fillimit të ngjarjes janë paraparë deklarata të shkurtra për mediat, ndërsa në sesionin kryesor, Mickoski do t’i shpjegojë mundësitë dhe qëndrimet e Maqedonisë së Veriut lidhur me ekonominë, sigurinë, si dhe integrimet evropiane dhe konkurrueshmërinë e rajonit.
Samiti është ngjarja përmbyllëse e kryesimit të Malit të Zi, ndërsa përveç liderëve të Ballkanit Perëndimor, në të merr pjesë edhe kancelari i Republikës Federale të Gjermanisë, Friedrich Merz, i cili është një mbështetës i fuqishëm i përparimit dhe integrimit të rajonit në Bashkimin Evropian.
