Shkup, 15 nëntor Zhurnal.mk – Bashkëkryetari i partisë VLEN, Bilall Kasami, gjatë qëndrimit në Zagreb të Kroacisë, ka vizituar Shoqatën e Dramës Shqiptare “Mërgimtari”. Ai e ka vlerësuar këtë shoqatë si një vatër të rëndësishme për ruajtjen dhe promovimin e gjuhës, kulturës dhe traditës shqiptare në mërgatë.
Përmes një postimi në rrjetet sociale, Kasami ka përgëzuar anëtarët e shoqatës për angazhimin e tyre në ruajtjen e identitetit kombëtar përmes artit dhe teatrit.
“Sot në Zagreb vizitova Shoqatën e Dramës Shqiptare në Kroaci ‘Mërgimtari’, një vatër e rëndësishme e ruajtjes dhe promovimit të gjuhës, kulturës dhe traditës shqiptare!
Përgëzime për angazhimin dhe përkushtimin në ruajtjen e identitetit kombëtar shqiptar përmes artit dhe teatrit. Mbështetja e aktiviteteve të tilla është investim në kulturën dhe lidhjen tonë kombëtare, kudo që jetojnë shqiptarët!”, ka shkruar Bilall Kasami.
